اولاً: تجيبي لحمه مفروم وطقطيقها على النار وتحطي ملح عليها الين ماتستوي وتروح مويه اللحمه بس انتبي لاتنحرق وبعد ماتستوي اتركيها على جنب

ثانياً: قطعي بصل وحطيها في قدر وحطي طبعاً زيت عليها واعمليها زي الكشنه بس خليها صفره مو سوده طيب ووقطعي فلفل ابو قرون وحطيها مع البصل والزيت مره وحدها هذا اذا انتي حابه تحطي فلفل بس والله طعم الفلفل معاها يعطيها نكهه انتي لاتكثري وقلبي الين مايصير لونه اصفر

ملاحظه: في الخطوه الاولى حطي مع المفروم والملح ثوم طبعاً

ثالثاً: جيبي حبه اوحبتين طماطم حسب ماانتي تبغيه وقشري قشر الطماطم وحطيها في الخلاط واخلطيه الين مايصير عصير طماطم وبعدين حطيها في قدر البصل والزيت والفلفل وافضلي قلبي وحطي كمان ملعقتين او ملعقه كبيره اكل صلصلة طماطم معلبه مع قدر البصل والزيت والفلفل وافضلي قلبي وبعدين حطي على القدر المفروم يلي تركتيه على جنب وحطي كمان ملعقتين صغار فلفل اسود على حسب ما انت حابه وحطي كمان ملعقتين صغار قرفه وحطي ملح قليل لانوا لوحطيتي كثيير حطي في بالك انوا الاكل راح يكون ملحوا كثيير عشان المكرونه بعدين لمن تسلوقيها راح تحطي عليها ملح كمان المهم واعصري حبه ليمون اوحبه ونص وحطيها في القدر وبس افضلي قلبي الخلطه الموجوده في القدر لمدة 5 دقايق او 10 دقايق الين ماتشوفيها خلاص استوت وجاهزه للأكل.

ربعاً: وقبل طبعاً ماتسوي الطرق ديه كلها او انتي وبتسوي المفروم جيبي قدر وحطيه فيه مكرونه اسبقتيه حسب الكميه يلي انتي تبغيها وحطي مويه على حسب برضوا كمية الاسبقتي وحطي ملح كمان على حسب الكميه برضوا بس انصحك انك لاتكثري ملح وحطيها على النار الين ماتستوي وتنسلق.

خامساً: جيبي صينية وحطي الطبقه الاولى مكرونه والطبقه الثانية المفروم والطبقة الثالثة مكرونه وحطي في الطبقة الاخيره جبنة موزريلا المراعي طبعاً ابشريها وحطيها في آخر طبقة وبس حطيها في الفرن الين ماتسيح الجبنه يلي فوق واذا كنتي حابه تحطي في كل طبقه جبنه حطي عادي تصير اطعم.

وانتهت الطريقه

وبصحه وعافيه

مشكوره بنت العرب علي الطريقه الحلوه
وان شاء الله اسويها
مع انها امي قالتلي لا تاكليها..

اجل استنيني لين اجي عندكم واسويلك هيا انا


وسلميلي على امك

يم يم يمي احبها مره يسلمو